“Түмэн амгалан ордон” ХХК нь 2013 оноос эхлэн өнөөг хүртэл барилгын иж бүрэн зураг төсөл, төсөв болон барилгын эрчим хүчний аудит, барилгын салбарын төсөл, судалгааны чиглэлээр үйл ажиллагаагаа өргөжүүлэн явуулж байна.

Бид тусгай зөвшөөрлийн хүрээнд 250 гаруй худалдаа үйлчилгээний барилга, амины болон нийтийн орон сууц, үйлдвэрлэлийн барилга, бусад олон нийтийн барилгын зураг төсөл, төсвийг хийж гүйцэтгэсэн. Мөн манай компани нь эрчим хүчний хэмнэлттэй төлөвлөлт хийх магадлан итгэмжлэхтэй төдийгүй барилгын эрчим хүчний 5 аудитортой бөгөөд энэ хүрээнд 77 барилгад дулаан алдагдлыг бууруулж, эрчим хүчний үр ашгийг нэмэгдүүлэх зорилгоор зөвлөх үйлчилгээ үзүүлж, эрчим хүчний аудит хийсэн. Ингэснээр барилга ашиглалтын үеийн зардлыг багасгаж, насжилтыг уртасдаг давуу талтай бөгөөд эрчим хүчний хэрэглээ буурснаар хүлэмжийн хийн ялгарал багасаж, манай улсын Олон Улсын өмнө хүлээсэн Тогтвортой хөгжлийн зорилтууд болон бусад баримт бичгүүдийн хэрэгжилтийг хангахад хувь нэмрээ оруулах боломжийг харилцагч нартаа бид олгодог билээ. Түүнчлэн сүүлийн жилүүдэд бид Барилга хот байгуулалтын яам, Нэгдсэн Үндэстний байгууллага болон түүний Хүүхдийн сан, Германы хамтын ажиллагааны нийгэмлэг зэрэг байгууллагуудын дэмжлэгтэйгээр дотор агаарын чанарт нөлөөлөх хүчин зүйл ба сайжруулах арга хэмжээ, эрчим хүчний хэрэглээ ба хэмнэх боломжуудын талаар нийт 4 судалгааны ажлыг амжилттай гүйцэтгээд байна.

Манай компани нь 2020 оноос эхлэн барилгын мэдээллийн загварчлал буюу BIM-ийг нэвтрүүлэх зорилтын хүрээнд барилгын иж бүрэн зураг төслийг гүйцэтгэхдээ Revit программыг ашиглаж байна. Ингэснээр хуучин хэрэглэж байсан хоёр хэмжээстээс гурван хэмжээст түвшинд шилжиж улмаар архитектур болон инженер хангамжийн уялдаа холбоо сайжрах, шугам сүлжээ давхцал үүсэхээс сэргийлэх, ажлын ачаалал буурах давуу талуудтай.

Бид Таны төслийг амжилттай хэрэгжүүлэхэд барилгын эрчим хүчний хэмнэлт ба барилгын зураг төслийг хослуулан, шинэлэг иж бүрэн үйлчилгээг нэвтрүүлж, зардал болон эрсдэлийг бууруулах зарчимд тулгуурлан, үнэ цэнийг санал болгож, тогтвортой харилцааг эрхэмлэн ажиллах болно.